Lógica aplastante

Puente que?

2006-06-18T15:52:00.000+02:00

Depois de jantar dim umhas voltas pola tele a ver se podia baixar a comida algo entretido. Vimos a carreira de MotoGP (acabarom menos da metade e ganhou Rossi) e caimos em Antena 3, os titulares.

E falavam das festas religiosas que havia por Espanha em diante, Toledo (com o hino, militar, espanhol em umha processom religiosa. uummmm), Valência e Puente Áreas.

Quedei intrigado e aguardei até a notícia completa, e nom, nom estava confundido, a vila em festas era Ponte Areias, deformada até límites inconcevíveis tais como PUENTE ÁREAS, insisto, com a primeira â acentuada. A verdade é que os espanhol-falantes nunca tiverom muita habilidade para traduzir os nomes das povos e vilas galegas (Ninho de la Guia, Ghove, Sanghengho... e outras marabilhas menos conhecidas) mas esto já é mesmo retorcido. Polo menos o Google Maps já está a corrigir as trapalhadas que tinha postas.

Dupla surpresa

2006-06-17T23:38:00.000+02:00

Estava eu desfrutando das recém estreados feriados após dos exames de junho (pouco durarám) argalhando pola rede sem muita cabeça. Com a calor que fai em Vigo estos dias pois tenho as janelas abertas para que entre a brisa do mar e arrefrie a minha habitaçom, que com o uso do portátil ainda se quenta mais.

Pois um sábado com as janelas abertas tal e onde moro eu, diante dum parque tomado por "malotes" vigueses, é um bom sítio para oir cánticos e estupidezes varias aliás de ruído de motos e carros fazendo algumha que outra carreirinha. A minha mente já está afeita a omitir qualquer informaçom provinte dos jovens vigueses alcoolizados mas hoje nom foi capaz.

A surpresa foi dupla ao ouvir estes dionisíacos cánticos em galego, circustáncia bem estranha na juventude viguesa, e sobre tudo na camada Malota, a qual fala um aquel de dialecto que asemelha castelhano mas pode ser que eu o associe assim já que quando nom oio galego tendo a pensar que é castelhano, cousas da costume. E qual foi a duplicidade surpresiva do incidente? Pois o cántico em sim mesmo: "A culpa de quem é? Do licor café". Que razom tenhem os condenados.

E OUTRA SECÇOM

2006-06-15T21:23:00.000+02:00

Já hai tempo que queria incluir algumhas ligaçons que ficarom fora das "PÁGINAS DE CORES" e nom sabia mui bem como faze-lo. Mas na segunda-feira vim o novo programa do binómio Antón Reixa-Carlos Blanco e viu-me a ideia feliz.

O programa, chamado "Somos Potenzia", é um programa de variedades nocturno levado polo produtivo actor Carlos Blanco (também conhecido como Ladilhao, personagem que representava em Mareas Vivas, popular séria emitida pola TVGa) está na linha de Crónicas Marcianas ou Buenafuente mas tem um ponto mais alternativo e um marcado caracter galego.

Volvendo ao assunto da secçom, o caso é que vendo o nome do programa pensei: "Potenzia com Z, com Z de Galiza" e dai o título da nova secçom. Esta nova secçom inclue, polo de agora, cinco espaços com um repertório de ligaçons ou referências quase completos. Por ordem alfabética: Camisolas, Centros Sociais, Festivais, Médios de Comunicaçom, Rádios Livres e Software Ceive. Cada apartado tem o mais destacado desses eidos, sempre desde umha óptica galega e em galego, sem mais restrinçons.

Nom me apurei em incluir mais secçons já que ou seriam mui extensas ou nom teriam um tratamento óptimo, com o mais destacado, se nom que faltariam muitos referentes. Qualquer página ou referência que esquecera ou desconheça pois remitide-o ao contato logica.aplastante@gmail.com que para algo o pugem. Saúdos amig@s e/ou leitores.

Manipulaçom?

2006-06-12T20:42:00.000+02:00

Segundo responsáveis do cárcere ilegal de Guantanamo o suicídio de tres presos, dous de Arábia Saudita e um do Iemen, pode ser um intento de manipular à opiniom pública (lido no dia da publicaçom do artigo em La Voz de Galiza, versom impresa.

A preocupaçom está justificada já que se tem comprovado que a opiniom pública americana é facilmente manipulável em experimentos feitos durante o começo da Guerra (masacre?) do Iraque onde a totalidade da populaçom foi tratada com mentiras de diversas escalas e depois foi sometida a um intento de desintoxicaçom, o qual nom conseguiu nengum efeito em mais de um 50% da populaçom estadounidense. Aliás, os síntomas também se puiderom ver em pontos isolados da Europa, tais como a Rua Genova da capital da "República de Espanha".

No enquanto os anteriores 41 intentos de suicídio nom levantarom preocupaçom já que estavam motivados polo sufrimento dos últimos dous anos e nom por nengumha intençom subversiva.

PD: Sinto a ironia ante o suicídio de tres pessoas injustamente tratadas (nom por que sejam inocentes se nom por que nom forom julgadas e estám a sufrir um trato como mínimo vejatório) mas para afrontar este tipo de notícias vejo-me vazio de outros recursos menos violentos.

Vitória portuguesa

2006-06-11T23:22:00.000+02:00

Vitória portuguesa no enfrontamento lusófono em Colónia por um ajustado 1-0 que supom o co-liderato do grupo junto a México que ganhou ao Irám 3-1.

O combinado dirigido polo brasileiro Scolari tinha presa em adiantar-se no marcador e marcou no minuto 4 graças a um remate de Pauleta, velho conhecido da parróquia corunhesa e maior goleador da história da selecçom portuguesa. A primeira parte foi umha boa mostra de jogo bonito. Ambas equipas jogarom com toque de bóla rápido e continuas combinaçons mas a superidade portuguesa foi sempre clara, destacando a movilidade dos seus atacantes e as virtudes de Figo e Cristiano Ronaldo. Ainda assim a selecçom Angola dispuxo de um par de ocasions importantes para empatar o jogo.

Na segunda parte Portugal renunciou à posesiom da bóla e Scolari fixo 3 cámbios colocando um meio campo muito mais defensivo e criando dúvidas no seio da equipa. Sendo assim a selecçom de Angola foi indo-se progresivamente cara o ataque mas com timidez e sempre sem molestar de mais ao porteiro Joao Ricardo. Nos minutos finais Portugal meteu-se de cu na porteria e Angola nom sacou partido do controlo da bóla. Finalizou o partido com boa nota para os africanos e com dúvidas na equipa portuguesa.

O mais destacado foi o partido de Figo, que demostrou que os anos se lhe esquecerom no aviom de caminho para a Alemanha e a vontade de jogar a bóla de Angola, sobre todo Akwá e Figueiredo.

Angola versus Portugal

2006-06-11T16:06:00.000+02:00

Hoje é um partido especial para todos os lusófonos e lusófonas. Enfrenta-se Angola à sua antiga metrópole Portugal. O partido, longe de estar já decidido, vai estar mui desputado.

Embora o potencial de Portugal é muito maior, é destacável que esta é apenas a sua terceira participaçom e que excepto no 1966, onde quedarom terceiros, forom torneos mui pobres para o nível dos jogadores portugueses. Se recordamos o último torneo mundialista, Portugal perdeu ante Estados Unidos e Corea do Sur , selecçons inferiores a priori, mas que demostrarom as ganhas que tinham de faze-lo bem no mundial.

Os "palancas negras" som umha equipa fisicamente potente e com certa qualidade nos seus pés. A intensidade do seu jogo pode ser determinante para a vitória mas sem esquecer que a solidez defensiva vai ser vital para nom sufrir umha goleada dos artilheiros portugueses (Deco, Cristiano Ronaldo, Pauleta...).

Eu acho que o justo seria que ganhara Angola que pode ter mais problemas para passar a 1ª fase e de passo lhe devolve a Portugal o mal que lho fixo passar em tantos anos de colonialismo. Vai sendo hora de cobrar-lhes a déveda às metrópoles, embora só seja num campo de futebol.

GORA ESPAÑA

2006-06-10T17:48:00.000+02:00

Si me viese mi amatxo
si me viesen los colegas
me colgaban en la plaza
por traidor y por idiota

yo que soy más vasco
que el Árbol de Gernika
cuando juega la selección
no sé lo qué me pasa

Juega España!!
Ra ra ra!!
Los mundiales
Va a ganar!!
Mi conciencia
Me da igual!!
No puedo evitar gritar...
Gora España
La selección tiene un no-sé-qué...

Lendakaris muertos

Sem comentários

666: Dia da Besta

2006-06-06T21:02:00.000+02:00

Hoje é o dia do fim do mundo, do apocalipse, assim que se vedes algum jinete pola rua fechade forte a porta e as contras, que agora é tarde para confesar-se.:))

Evitando ser o que nom som, católico praticante, o dia de hoje é um dia curioso. 666 número capicúa, um número cargado de simbologia.

Polo que sei, e polo que lim, o 6 vem sendo o dia do homem, que nom o do humano, por que? pois por que o Deus católico (um de tantos) fixo ao home no sexto dia do mundo e a mulher dias depois. Logo o 6 é o número do home.

Matematicamente o 6 é um número mui imperfeito a primeira vista: é par, nom é primo e é vizinho do 7, o numero perfeito por excelência. O pobre do 6 só lhe queda a satisfacçom de ser o número do homem e do dianho. Para os matemáticos é um número curioso. Por exemplo: 4+9+25+49+121+169+289=666, parece umha tonteria, mas se vos digo q iso é a suma dos quadrados dos 7 primeiros números primos (2,3,5,7,11,13,17) a que asusta. Também a suma dos números dumha ruleta é 666 (do 1 ao 36). Por último, a suma das cifras romanas dá 666 (D+C+L+X+V+I=500+100+50+10+5+1=666). Com cousas assim o mundo vai-se a pique. Se consultades a rede, atoparedes muitas outras propriedades enrevesadas do 666.

Perdendo o fio matemático e indo polo lingüístico a palavra demo é umha das palavras com mais sinónimos nas línguas do mundo. No meu vocabulário recordo: dianho, diabo, demo, demonho, satám, belcebú, diablo, devil, diavolo, lucifer, satanás, anti-cristo.

Retomando a data significativa, o dia de hoje (Terça-feira 6 de Junho de 2006), é um dia especial para os negócios. Hoje apresenta-se películas de temática satánica e discos dos grupos roqueiro-metálicos mais extremos, grandes adoradores do demo e do pecado (como gosto).

Aproveitando o artigo vou falar um pouco de simbologia satánica e casualidades numéricas. Queria desbotar alguns mitos e comentar alguns feitos, ajudado, em parte, polo meu amigo Dan Brown, a minha amiga Catherine Neville e outros escritores de novelas históricas, best-sellers ou nom. A estrela invertida nom é outra cousa que o movimento na bóveda celeste do planeta venus, símbolo da mulher, isto fai que mulher=demo seja algo, catolicamente falando, mui ligado. Também é curioso que no ano 1666, um incêndio terrorífico queimara boa parte de Londres. Outro asunto curioso é que, o 999 seja un número totalmente pacífico, quando nom é mais que um 666 invertido.

PD: A probabilidade de que colherades a calculadora para fazer algum dos cálculos comentados é do 66,6%. Saúdos a tod@s os visitantes.

Nova secçom

2006-06-05T21:44:00.000+02:00

E chegam duas novas incorporaçons ao meu blogue:

A primeira é a minha nova mascota. É um ouriço, sempre quixem ter um ouriço-cacheiro, mas como estám em perigo de extinçom nom se deve. Que melhor soluçom que ter umha mascota digital, bem sei que nom é o mesmo, mas é tam currinho!! Pugem-lhe Stalim e é de cor laranja. Nom é que eu seja stalinista se nom que tenho pensamento lógico. Na Galiza o nome mais usual nos cans é Trosky, pois eu, num rápido razonamento de lógica aplastante, pugem-lhe Stalim

Podedes toca-lo,jogar com ele, dar-lhe de comer (gosta dos amorodos, coma mim). Mas nom o toleedes.

A outra novidade já estava anunciada. Som as páginas de cores, cópia digitas das "Páginas Amarillas" mas com conteudos variados e nom patrocinados. Quado color um tema:

Preto:Música
Azul:Língua
Verde:Natureza
Marelo:Comunicaçom
Laranja:Ranciadas varias
Vermelho:Sociedade

Aguardo que vos sejam úteis!

O mundial fala galego

2006-06-04T21:37:00.000+02:00

O mundial de futebol deste ano é especial para a Galiza. Nom por que vaiamos participar, quem nos dera, senom por que a nossa língua estará mui bem representada. Nunca tantos jogadores lusófonos participarom num mesmo mundial.

Tres selecçons enteiramente lusófonas participaram na ediçom de 2006 do Mundial FIFA: Brasil, actual campiona, Portugal e a debutante Angola. Aliás outras selecçons tenhem no seu grupo jogadores que falam a língua do país. Michel Salgado por Espanha, Cabanas por Suíça e o brasileiro com cidadania tunesina Silva por Tunisia.

Ainda sendo assim, o galego nom é a língua majoritária, senom o espanhol e o inglês oficial em 6 e 5 estados das selecçons representadas respectivamente.

Questionário

2006-06-04T17:32:00.000+02:00

Fum convidado a fazer este questionário e vou-no fazer bem gostoso. Aliás acho que tenho que convidar a mais gente, imagino. Primeiro as respostas:

O que seria eu se tivesse sido...

... um mês: Maio
... um dia da semana: Sexta-feira (Venres em pagam)
... um momento do dia: a noite
... um planeta: aquel dos irmaus estes que botavam fume quando o outro se excitava.
... um animal: o ouriço-cacho ou o cocho
... um móvel: o sofá
... uma bebida: licor do negro café!
... um instrumento musical: a gaita
... uma fruta: umha vermelha (cereijas, amorodos ... )
... uma cançom: o Alalá das Marinhas
... uma matéria: da escola Cultura Clássica
... uma parte do corpo: os beiços
... um objecto: um livro
... uma comida: umha carne da casa (vitela ou porco)
... um personagem animado: Shin Chan
... um número: o 13
... um (auto)carro: um Renault Laguna
... uma cidade: Donosti
... uma dor: a das moas
... um mar: o Cantábrico
... um idioma: o italiano
... uma flor: a chorima ( a flor do tojo )
... uma cor: o azul
... um verbo: viajar
... uma estação do ano: umha na que nom faga calor
... uma prenda de vestir: umha que quente muito, umhas luvas
... um livro: um de ciência-ficçom ou de novela histórica bom
... um país: Canadá
... um lugar: a beira dum rio
... um desporto: o tute
... um filme: La vitta è bella (Roberto Benigni)
... uma marca: Chocolates Carminha
... uma série: Lost (Perdidinhos)
... uma página web: a va-ca ou o google
... um sabor: o das laranjas
... um signo do zodíaco: Peixes (Piscis em latim)
... um perfume: o da comida recém feita

Os convidados som: Andreilha, Ângelo, Txeme e Quimcalha, supom-se que se deve invitar a cinco mas muitos já forom invitados.

Trabalhar coma um chinês

2006-06-03T19:17:00.000+02:00

Nunca o dito espanhol foi tam certo. Depois de abraiar ao mundo, ainda agora, com a sua longa e grande Muralha, única obra humana que se pode ver desde o espaço só com os olhos, pois ávidos de novos impossíveis tentárom represar um dos rios mais caudalosos do mundo, o Yang-tze, um dos sete rios ligados às primeiras civilizaçons humanas nascidas em Ásia (Tigre, Eufrates,Indo, Ganges, Mekong e o Rio Amarelo som os outros)

As excusas eram boas, evitar as inundaçons anuais que provocavam centos de mortes, produzir energia eléctrica, fazer o rio navegável para fomentar o desenrolo da regiom... mas bem sabemos que a sua única intençom era fazer algo a primeira vista impossível.

Os chineses som algo assim como o Livro Guiness dos recordes mas à sério. Ou é que lhes passa coma a alguns homes, "A que nom tes colhons a.... Se com tudo isso nom chegara por cima som rápidos, mesmo para rematar parte do projecto antes de tempo. Tanto amor pola produtividade cheira mais a capitalismo que a comunismo... :-)

Que será o seguinte? Mandar ao primeiro cosmonauta à lua (alguém se creu o dos americanos?).

Uns dados para que se vos abra a boca:

O Yang-tze é o terceiro rio mais longo do mundo com 6300 km.
Custo da obra: 20 000 milhons de Euros
Primeiros esboços em 1919
Começ:1993. Finalizaçom:2009
Tamanho da presa:185 m de altura,2.309 m de longura.
140 núcleos urbanos serám anegados
1,2 milhons de pessoas desprazadas ao finalizar a obra.
9.300 milhons de metros cúbicos de água almacenada
Navigabilidade: 2000 quilómetros.
Potência eléctrica diária produzida: 18GW (a do rio Nilo produze 14GW)
10 000 toneladas de capacidade de tranporte marítimo
Por desgraça muitos tesouros arqueológicos desapareceram se nom som trasladados.

BALANÇO

2006-06-03T18:56:00.000+02:00

Após dous meses de bloguerio é bom dar-lhe repasso aos objectivos iniciais, os quais expliquei no primeiro artigo postado. Seguirei a mecánica desse artigo e responderei seguindo o padrom musical pergunta-resposta.

explicar-me a mim mesmo? Bom, nom directamente, mas acho que já vedes algo como tento ser.
razonar-me a mim mesmo? Mais bem obrigo-me a razonar o mundo.
falar conmigo mesmo? Isto já o fazia antes, o bom é que agora parece que nom estou tolo já que somos muitos blogueiro.
ser menos EGOCÊNTRICO? Bom, se o fixera tudo bem, nom quedariam razons para continuar adiante.
comunicar-me com os demais? Isto sim, a participaçom nos meu blogue, e minha no dos demais, vai crescendo
levar um diário aberto a todos os que queiram? Sim.
levar a cabo ideias que levo arrastrando moito tempo? Pasinho a pasinho fai-se o caminho.
amosar as minhas ideias ao mundo e cambia-las se alguem me ajuda? O primeiro com matizes, e o segundo com tranqüilidade.
aproveitar as possibilidades da rede? Som algo torpe ainda mas cada vez parezo mais friqui.
praticar algo com as páginas web? Siiiiim, vim o código dos velhos artigos e dam pena.

O balanço é bom. Aparte disto, é necessário aumentar a freqûência de actualizaçom e participar nos blogues alheos. Um saúdo a tod@s e sigamos a comunicar-nos!

O LIMIAR DA MEIA-NOITE

2006-06-03T18:47:00.000+02:00

Eu sofro umha grave maldiçom, a de nom poder deitar-me antes da doze da noite. É impossível, totalmente. Só em condiçons extremas, como por exemplo enfermidade, o conseguím.

Quando tenho intençom de faze-lo sempre surge algo. Um trabalho que tenho que fazer para o dia seguinte, alguem que me salta polo messenger, umha chamada inoportuna ... e no caso de que nada disto ocorrera, pois um simples velar até, polo menos, passadas as doze.

Crede-me, provei umha morea de soluçons. Fazer muito exercício, ler antes de deitar-me, levantar-me mui cedo para cansar antes e nada. Nom hai maneira de consegui-lo.

A minha única opçom, acho, é que me confunda de hora e me deite por mirar mal o relógio.

Páginas de Cores

2006-06-03T16:26:00.000+02:00

Proximamente o meu blogue estará de estrea. Em poucos dias, depende do tempo do que disponha, disponibilizaram-se quatro novas secçons. Páginas Vermelhas,Laranjas Verdes e Azuis.

Estas cores simbolizam quatro sectores da vida política. O vermelho a esquerda, o socialismo, e por extensom também o associativismo, o laranja, o liberalismo, nalgusn casos a dereita e por extensom (subjectiva minha) a ranciada, o verde, a natureza, o ecologismo, e por último o azul, o nosso, o mar, a língua. Tudo bem claro.

Nestas secçons, vam-se ir engadindo ligaçons e ligaçons a páginas desse colorido, polo tanto teremos opçons onde escolher. Avisado queda que vam ser incluídas tantos páginas de partidos políticos e organizaçons representativas até páginas de humor, jornais mui marcados ideologicamente (p. e. La Razón estaria na secçom Laranja) ou sítios curiosos de internet.

E para facilitar o trabalho tentarei dar algumha explicaçom nas bandas explicativas que saltam ao pousar o rato riba das ligaçons, na medida do possível.

Qualquer achega seria de agradecer, o trabalho de muitos é melhor que o de um só.

O que me faltava por ver

2006-05-29T20:11:00.000+02:00

Estas semanas estou fazendo-lhe umhas visitas às minhas dentistas, nom é que tenha nada, o que passa que duas delas som moças casadeiras. O caso é que na sala de des-espera fago as minhas piores leituras, veja-se HOLA, SEMANA... o que fai o aburrimento. Pois um dia destes apereceu pola sala a Gaceta Universitária, publicaçom pouco recomendável feita em Compostela que fala dos estudantes empreendores que sabem lamber cousas pouco apetecíveis, do que tes que fazer para que o chefe esteja contentinho ou do guapa/o que hai que ir quando se vai falar com um professor/a.

Eu estava folheando o assunto, o jornal, e atopei um texto numha língua estranha para o habitual ( o habitual vem sendo o castelhano) e qual foi a minha surpresa que nom era casualmente o galego...

ERA CATALÁM !!! Horror. Nom é que a mim me passe como a Esperanza Aguirre, que os considera estrangeiros ou cousas piores (falo em boca de Espe), se nom que me parece inverosímil que umha publicaçom galega que usa o castelhano, censura o galego e o único que se lhe cola é a palabra Universidade seguido da cidade galega tocante tenha como única língua alternativa o catalám.

Depois dumha análise mais profunda de aquela folha satánica, à altura de Grissons e Horatios (chefes dos CSI), deduzim que a página pertencia à publicaçom homóloga das universidades de Catalunya.

Sendo Franco ... a verdade é que na cabeceira da folha punha explecitamente o nome de umha universidade catalana.

Normalizaçom lingüística

2006-05-29T01:44:00.000+02:00

Agora que tanto se está a falar muito e nom mui bom (o dia que faga algo nom sei se ainda falaram pior) da secretária de política lingüística eu acordo-me dumha das maiores iniciativas a prol da normalizaçom que se tomou em este país. SIN-CHAN.

Sem dúvida, Sin-chan conseguiu que o galego fora usado por gentes de todas as idades, especialmente os mais cativos (embora nom era mui apto para a sua idade) a camada social menos galego-falante. A fraseologia popular, as burlas à sua mai, as cançons verdes... os recursos do pequeno furacam de Saitama eram moi extensos.

Bule-bule, fervellhe-fervelhe, fervelhe o sebo, moitas som as expressons populares que definem a hiper-actividade de Sin Chan, por certo moi contagiosa, qualquer um pudo ver nenos polos parques fazendo o de: Trooompa! Troooompa!, qual Sin Chan.

Sin Chan bem podia ser um neno galego. Aliás da sua hiper-actividade e da sua facilidade para provocar catástrofes, era revirado,ambígüo e mui retranqueiro qual protótipo de galego, ao melhor algo moceiro de mais para a sua idade.

Parabens aos tradutores da série e a sua equipa de dobragem, deveriam levar algum prémio pola sua excelente labor (mas nada de Príncipes de Astúrias que iso nom tem nengum prestígio).

PD: Proponho como novos retos para a programaçom e os tradutores da TVG: Simpsons e Southpark em galego!!

O meu animal preferido

2006-05-27T16:37:00.000+02:00

Hai umha semana namorei, namorei-me dum boneco de trapo formoso, formosíssimo. Era "Rizo" o protagonista da publicidade dumha marca de seguros. Rizo é um Ouriço-Cacheiro, tem visos de ser um animal algo parado, mesmo parvo, mas é um dos maiores depredores da fauna galega. Pois sim, é carnívoro... sendo mais concretos é insectívoro.

O ouriço cacho é um animal bem maternal e mesmo valente, também com essa camada de espinhos que leva por lombo qualquer nom é valente, nem as serpes se atrevem a achegar-se a el. Mas essa valentia associada com a sua grande lentitude esta-o a levar à extinçom. Cada vez que, dentro do seu habitat natural tem que atravessar umha estrada o mais provável é que nom chegue ao outro lado.

Por iso devemos esixir às instituiçons a protecçom desse anti-plagas com pinchos, animal autóctono como o que mais, e que está a sofrer a teima com as infraestructuras que temos na Galiza, o que fai falha som estradas boas, nom muitas estradas. Esiximos passos subterráneas adaptados aos ouriços, como também para outros animais que tenhem o mesmo destino que o formoso insectívoro.

Por suposto, se alguém atopa um boneco de ouriço-cacheiro, que nom seja o de "Rizo", que mo faga saber. Obrigado.

QUE OBRA MESTRA

2006-05-12T03:42:00.000+02:00

Hai uns dias vim umha peli que me fascinou. Chama-se 100 moças na versom galega (traduçom direta de 100 girls) e impactou-me desde que dim com ela zapeando antes de apagar a tele definitivamente.

Nom deixa de ser um filme cheo de tópicos, cliches e outros males mas tem moitas cousas boas:A traduçom é genial, made in GZ. Se sabedes como conseguir gravaçons da TVG dicide-mo.O elenco de moças nom esté nada mal, seguro que algumhas as conhecedes doutros filmes ou séries televisivas.

O protagonista nom é o típico guapo que vai de feo, senom o típico nom-guapo que vai de sensível (sinto-me identificado).Aliás é expresivo de verdade, nom coma o Fran Perea, que usa a mesma cara para extrenhido, cabreado, namorado ... (buscade imagens e já veredes).

Ponhede a carrular o bitorrent ou o p2p: palavras-chave: 100 girls (mozas,garotas,chicas...), actores principais: Jonathan Tucker e Emmanuelle Chriqui.

INTENTO DE ASSASINATO EM ORTIGUEIRA

2006-05-12T03:09:00.000+02:00

Um dos melhores festivais celtas do mundo sofreu um intento de assasinato polos seus organizadores e patrocinadores. O intento de festivalicídio cometeu-se o 12 de Abril em umha rolda de prensa conjunta de patrocinadores, organizadores e alguns participantes. O crime cometeu-se á luz do dia com a connivência das autoridades locais. Cre-se que os assasinos aproveitarom as graves doenças da vítima (carpas-dance crónicas e dogradite severa) para provocar-lhe umha crise de identidade que o levou a um estado de coma mas a vítima esta sofrendo segundo os expertos que o estám a observar. A família e os seus amigos mais achegados opinam que o melhor era desconecta-lo para que nom tivera que aguantar o estado de dor continua que estÃ¡ a suportar. Os achegados agradecem o apoio que estam a recever e pidem que a lei cumpra o seu dever e faga pagar como se merecem aos acusados. Se queredes entender o que digo, só tedes que ir á pá¡gina oficial do Festival de Ortigueira e buscar os músicos. Veredes delícias como o "Niño Josele" entre outros.

Esto nom é um festival celta nim nada assim que eu proponho á aqueles que imos aos concertos um BOICOT , e como alternativa, proporcio-no algumhas alternativas moito melhores que Ortigueira, tanto celtas, como de outros estilos, todo seja por evitar o omnipresente flamenco:

Festival de Pardiñas, Guitiriz, Primeira semana de Agosto

Festa da Carballeira, Zas, Primeira semana de Agosto

Festival Intercéltico, Moanha, Finais de Julho

Cultura Quente, Caldas de Reis, Mediados de Julho

Festitom, Moranha, Mediados de Maio

Festa Da Marosa, Burela, Mediados de Maio

Outros festivais sem página web própia som o Festival do Norte de Vilagarcia e o Rock'n'Oia na periferia viguesa. Alguns destes festivais já se celebrarom este ano mas o ano que vem bem seguro que volveram já que estám consolidados no panorama festeiro galego.

Morreu a VA-CA !!! Buaaaaa

2006-05-05T00:29:00.000+02:00

E murriu a va-ca e murriu nu riu e murriu a va-ca e pena pariu

Esta é umha pequena modificaçom dumha cançom dos Diplomá¡ticos de Montealto, grupo clave do Rock bravú, que serve de despedida pessoal para um exemplo a seguir entre todos os blogueiros galegos:

VA-CA Via Anti-Colonial Activa D.U.P. Descanse um Pouquinho

A vaca, símbolo de paz (dixo Castelao), animal milhonário (escreveu Manuel Rivas -Un millón de vacas-) e animal totem deste grupo de Subcomediantes (assim se fam, faziam, chamar os membros deste grupo). A VA-CA tentava "simplesmente" travalhar pola descolonizaçom mental dos galegos, para quitarmonos de cima moitos tópicos, clichés, costumes ... provocados pola colonizaçom da cultura espanhola sobre a galega. Com o seu "travalho" criarom todo um catálogo de frases, denominaçons (vexa-se Império-Pequeno=Espanha) e personagens para atingir o seu propósito máximo: ironizar e rir-se de sim mesmos. Sem dúvida rir, rimonos um cacho com cada nova ideia.

Em 5 anos nom enteiros deixarom moito material de todo tipo na rede. Ligaçons impossíveis de atopar, jogos de palavra, imagens célebres. Mas eu destacaria um travalho em concreto, o qual atingiu a fama internacional (bom, só na Galiza) polo seu plágio posterior, veredes: Todo isto tivo origem na creaçom do Colectivos de Neofalantes "O FALO", cuja mascota era a personagem, interpretada por Keanu "como se pronuncie" Reeves, NEO. A partir desta humilde campanha surgia a campanha pro-galego feita em colaboraçom pola e a . Volvendo ao panegírico, a morte da VA-CA é um feito, polo de agora, e deixa moitos filhos sem pai/nai segundo o caso. A sua semente floresceu e os blogues na Galiza estám-se a espalhar como herva mala (reconhezamos que algo malos somos). Como bons fieis, esperamos a sua resucitaçom.

Morreu a TeleGaita

2006-05-03T01:34:00.000+02:00

Seguro que se me escapa algo, mas com o tempo já irei completando o artigo. Se iso, comentade-me algo que nom vira ou que se me esquecera.

A programaçom da TVGa melhorou bastante, tanto que já nom é Telegaita. Embora queda algum que ainda nom foi recolocado, que nom ha tardar em caer.

Perguntas sem resposta aparte, a nova programaçom do ente público brilha pola sua modernidade e juventude (sobre todo nos presentadores). Comecemos:

O programa Luar vai desaparecer (sim, estou moi contento), e sem saber ainda se Gayoso leva o "micro" colado ao queixo. No mesmo eido apareceu Alalá, um programa de música tradicional galega mas sem nengum triunfito, cupletista ou semelhante polo mÃéio que che faga cambiar o canal ás primeiras de cámbio. Nom é um substituto do Luar mas sim é um bom complemento que trata a música tradicional com maior, digamos, dignidade.

Para substituir o "Supermartes" com o seu acomplexado Mini-Pinheiro á cabeça apareceu "Perde-lo todo", nom é um programa para batir recordes mas é original e novo, o único problema que lhe vejo é o pouco sentido do humor de Varela, o que fai as vezes de presentador, contador manual, de feirante, etc... E dentro dos concursos vários fixo-se umha versom galega do Cifras e Letras, perfeito para depois de comer, da-me pena o de La 2, este que é mega-expressivo, culturilhas e hiper-activo.

Seguindo o repasso, destacam trés programas:Planeta Cinema, Miraxes e Onda Curta, estes dous últimos programas de actualidade cultura de temática fechada, o primeiro de cultura em geral (teatro, literatura, exposiçons...) e o segundo do mundo audiovisual apresentados paritariamente por moços e moÃçs, gente jovem. O programa de cinema das noites "Planeta Cinema" (que sim, que hai um programa de cinema da TVGa as tantas da madrugada, crede-me) foi reformado e a sua presentadora substituída, nom fazia falha mas novas caras nunca estám de mais. Esquecim-me de LubaTV, programa pseudo-deportivo com o que ainda nom tivem contato embora ando polo cenário quase todas as semanas, a cancha da Campus Universitário de Vigo (que por certo está praticamente em Mos).

E agora vem o prato forte, as tele-séries: Livro de família, Pepe O Inglés (mola), A vida por diante, a série inglesa A Minha Vida em Películas... O factor Qualidade-Preço como filosofia. Por outra parte é de agradecer que já lhe quede pouco a Miro Pereira e companhia, por que os da antiga galega eram especialistas em fazer durar o impossível, este é um caso ainda por extinguir. Certo é que algumhas das novas séries já estava projectada pola anterior equipa.

Nos programas que nom mudarom nem desaparecerom, destacam a apariçom de novos presentadores, de entrevistados que antes estavan censurados (falo a sério, por exemplo: Suso de Toro, o MDL, Nunca Mais ...) e de temáticas novas. E por suposto rematou o programa este de propaganda do PP que havia a mediodia e a noite... O "Telexornal".

E de sobremesa, os programas de opiniom, como!!! programas de opiniom na Telegaita!! Pois sim, e de verdade, nom como os de Maria Teresa Campos, que tem aos do PP e bascos e catalans espanholistas como maioria do debate, assim chega-se fácil a um acordo (nom é que nom esteja em desacordo com eles, esse é outro assunto, mas por que leves um dia a um nacionalista que nom seja nacionalista espanhol nom te vam botar da empresa televisiva de turno, ou sim?? (Pois vai ser que sim, na última revissom do artigo a Campos já nom emitia). Volvendo a Galiza, o caso é que aparecerom dous programas que mesmo estám por diante do que podem ofrecer os canais estais: "Hai debate!"(o nome já o di todo) e "Volver ao rego" (programa de tertúlia como as que se faziam nas cafetarias de princípios do século passado, com pianista e todo). Isto sim que é novidade. Dous programas impossíveis na televissom actual mas que um canal público sim pode fornecer.

Agora só queda encontrar a um Punset galego (o de "Redes", La 2) e teriamos todo o que se pode pedir. Bom, faltam os friquis. Tempo ao tempo.

Entre liftings e mafiosos

2006-04-24T23:44:00.000+02:00

Esta última semana confirmou-se a derrota dumha das minha personagens preferidas (o que sauda na esquerda do artigo), sem dúvida umha das mais carismáticas do panorama político europeu e mundial: Silvio Berlusconi, il Cavaliere.

A coligaçom de direitas, com um eufemístico nome Casa das Liberdades, (entrade e comprovade que utilizou o mesmo maqueado que Fragafoi superada por umha margem escassa de votos pola fronte de partidos de esquerdas, lideradoRomano Prodi, candidato da Oliveira, conhecido polos seus múltiples cargos em diferentes instituiçons europeias.

Este é um momento de alegria para a democracia, tal e como é posta em prática na actualidade, por que? Fagamos um balanço das suas mais importantes achegas ao mundo e forneçamos algum dado biográ¡fico do Cabaleiro:

Ocupa o posto 37 na lista Forbes de 2006 das maiores fortunas pessoais com mais de 9000 milhons de euros, por detrás doutro ilustre empreendedor, o galego Amáncio Ortega que ocupa o posto 23.

Possui o A.C. MilÃ¡m.

Na época intermédia entre as suas duas presidências de governo tivo 5 juízos por diferentes casos de corrupÃ§om, falsidade documental... Foi absolto em todas elas. AcÃ³ podedes ver todos os processos judiciais que tivo até 2004.

Tem mania persecutória contra os comunistas. Chegou a dizer na campanha eleitoral que os comunistas chineses ferviam nenos para abonar os campos e estima que salvou a Itália dos comunistas com a sua chegada a política hai já 12 anos.

Tem chamado aos italianos do sul africanos.

Nega que Mussolini fosse um ditador.

Tem tropas despregadas no Iraque.

Esta relacionado com personagens da mafia siciliana desde antes da sua chegada ao poder.

E mais a fundo:

Criou a Lei de Imunidade em Janeiro de 2004. Esta lei impediu que o primeiro ministro e os mais altos cargos do governo da República Italiana puderam ser processados diante da justiça. A sua intençom era evadir-se do processamento por delitos de corrupçom ao subornar a juízes antes de ser investido primeiro ministro. Esta lei foi declarada inconstitucional por transgredir claramente o artigo 3 da Constituiçom Italiana.

"Il Cavaliere" é dono dos 3 canais privados mais importantes de Itália, que formam o grupo Mediaset (Canale 5, Italia 1, Rete 4) , aliás de ter até hai pouco controlo directo sobre as televisons públicas, polo tanto tinha o controlo das 6 canais principais da televisom. Também é presidente da Editora do jornal "La Repubblica" e de vários semanários. Umha forte empresa de publicidade televisiva o que lhe permite influir nos restos dos média italianos é sua. Por se nom chegara com isto fixo a Lei Gasparri que favoreceu a privatizaçom de RAI e a acumulaçom na mesma mau de vários média de diferentes sectores, isto é, o monopólio nas comunicaçons do mesmo Cavaliere.

Como podedes comprovar este homem fijo e desfijo todo o que quixjo, e se nom fosse polos apertados resultados que o derrotarom seguiria nas mesmas. Por sorte os povos europeios estám dando conta de alguns destes seres. Embora queda algum por ai solto.

RUMORES from LC

2006-03-27T01:48:00.000+02:00

Dis-que,seica, ouvim, contarom-me... que caiu a bandeiraça aquela que pujo o actual Embaixador da Espanha no Vaticano na praia do Orçám com pompa e distinçom, na qual havia apostados dous ou mais policias municipais até que os sindicatos destes protestarom energicamente.

((Pilho folgos que nom colhim ar)).
A bandeira era um solatário pano de grandes dimensons de cores "rojigualdas" ao qual o governo municipal venerava com devoçom cantado:
Vivir en La Coru que bonito te es.
Andar de rachí y sobar de pie
(bis até a loucura)

Vam 25 anos que morreu o outro Paco, já esta bem de "conachadas" ponhemos as quatro bandeirinhas tocantes (UE, Espanha, Galiza e Concelho) e todos tam contentos. E no seu defecto nengumha que tampouco vai passar nada por estar uns dias sem bandeiras.

AULAS DE CULTURA GALEGA

2006-03-27T01:18:00.000+02:00

Vou-vos transmitir conhecementos recém obtidos.

Hoje foi a Festa do Milho Corvo (por neghro) em Meiro, pertinho de Bueu. É umha selecçom de sementes negras que com o tempo conseguirom que as maçorcas foram quase completamente oscuras. Aliás, os produtos feitos a partir deste milho, tenhem um sabor moi interesante, ao que ajuda que é natural 99%, nada de transgénicos e semelhantes. Cima de todo está a festa: havia bom ambiente e tocarom as Pandereteiras do Barro de Arém(umhas velhas moi marchosas) e Quempallou, festeiros entre os festeiros. Reiv made in galiza cauntri, folida galega a tope.

E depois desta festa de dia tocou a de noite (da qual cheguei hai 20 minutos) e fumas a um Furancho: o que é um Furancho?? Pois um Furancho é umha taverna temporal que se monta nas casas onde se fai vinho. Quando sobra moito habilitam um alpendre, adega ou semelhante e dam tapas caseiras (boíiiisssssimas) canda o vinho a um preço tirado. E sabedes como se atopa um Furancho. Impresionante. Tu vas pola estrada perdiade de turno e ves umha póla de Loureiro pegada ou colgada numha parede ou num sinal de tráfico. Nom vos preocupedes que canta moito. E na casa de enfrente, ou numha próxima haverá um Furancho.

Nunca te deitaras.....

SAIM NA RTP

2006-03-22T21:33:00.000+01:00

O passado Sábado dia 18 de Março fumos tocar a Braga eu, meu irmao e Bruno Faustino e gravou-nos a RTP (Rádio e Televisao Portuguesa) e saímos umha cheia de vezes por ai tocando.

O pior é que num pedaço de gravaÃ§om ouve-se como "a cago" tocando a gaita. O caso é que iamos de caralhada o que nom escusa de tocar como se deve diante da gente. Bom , tivem os meus 15 segundos de glória - bem sei que som quinze minutos mas por algo ai que começar. Para aproveita-los ao máximo vou-vos pôr a ligaçom para que o vejades bem no YouTube: CLICADE ACÔ OU NA FOTO

CESSAMENTO DE FOGO PERMANENTE DE ETA

2006-03-22T20:42:00.000+01:00

Quem me ia dizer que esta ia ser a minha segunda postagem no meu blogue... Pois sim, ETA cessa-fogo justo depois de rematar a tramitaÃ§om parlamentar do Estatuto Catalam, que casualidade. E vai o Rajoi e di que nada, que el passa de todo e que se nom se dissolvem nada, pois ala, para as prÃ³ximas eleiÃ§ons jÃ¡ veremos a ver quem se dissolve. Alguns nunca aprendem.

Mentras, o resto falam de ledÃcia, prudÃªncia, de que Ã© um primeiro passo... todos dim o mesmo e ninguem se molha, nim que fora pactado. Esso de que ninguem se molha Ã© se nos esqueÃ§emos de Inhaki (Gabilondo) que sim se molhou e dixo que o PP se trabucava. Eu concordo mas poderia esperar um pouco e nom dize-lo justo depois de falar o Mariano.

Agora a sÃ©rio, isto Ã© umha moi boa notÃcia, ogalhÃ¡ que seja umha tregua perpetua. Agardo que a maioria dos partidos se unam e isto chegue a bom porto. E para fazer um exercÃcio de democracia e informaÃ§om acÃ³ queda a ligaÃ§om ao vÃdeo Ãntegro de ETA para que cada quem opine por sim mesmo.

Primeiro post

2006-03-22T00:58:00.000+01:00

Olá a todos (se é que hai alguem)

Este é o primeiro post, repito-o por se nom quedou claro no títul do artigo.Em ele tentarei fazer umhas quantas cousas e farei umhas pouquinhas:.

-explicar-me a mim mesmo

- razonar-me a mim mesmo

- falar conmigo mesmo

- ser menos EGOCÊNTRICO!

- comunicar-me com os demais

- levar um diário aberto a todos os que queiram

- levar a cabo ideias que levo arrastrando moito tempo

- amosar as minhas ideias ao mundo e cambia-las se alguem me ajuda

- aproveitar as possibilidades da rede

- praticar algo com as páginas web

........

Sem dúvida tardarei em fazer público a direcçom do blogue mas quando o faga já poderedes aburrir-vos de tantas cousas que tentarei colgar. Um saudo a tod@s!